27/02/24

VISITA DE ANTÍA YÁÑEZ


Onte veunos visitar ao Club de Lectura a escritora Antía Yáñez, para falarnos da súa novela "Non penses nun elefante rosa








Antía contounos que un tema tan serio como o da saúde mental pode abordarse desde o sentido do humor, pois iso é o que nunca perde a protagonista, pese a perder a estabilidade. Díxonos que non hai perfís cando se trata de transtornos da personalidade e que calquera, en calquera momento da vida pode sentir como o elefante sen ningunha razón o elefantiño chama e ...toc, toc xa está  na súa porta. Porque calquera pode ter un TOC. 



                



                         





















DÍA DA MULLER E DA NENA NA CIENCIA

 O 11 de febreiro celebramos o Día da Muller e da Nena na Ciencia.
O expositor da entrada da biblio fixo mostra de varios exemplares en col desta efeméridde    

              



Por outra banda o Club de Ciencias  aportou a  visita da científica Socorro Castro García, profesora de Química na Universidade  de A Coruña, cuxo campo de investigación son os materiais. 
O alumnado de 1º e 2º de Bacharelato obtivo resposta a preguntas fundamentais:  Que fai unha científica? Por que hai menos mulleres adicadas a este eido da investigación? 




                                 









DíA DA CANDELORIA



 O IES de Melide é moito de mostrar os afectos por iso  o día 2 de febreiro  deu  comezo  no centro á manifestación do amor co casamento dos paxariños




Coincidindo coa celebración do  entroido, colocouse na entrada do centro un mural deseñado con papiroflexia e un  refrán que dá conta da metade do inverno: 




                                   


 No chan,  dous goxos  recheos de herba seca foron o  niño  perfecto para as aves  multicolor  que,  no canto de ovos, deixaron cartas de amor e amizade  que non tardaron en  ser  enviadas aos seus/ súas  destinatari@s. Porque o amor  é asi, urxente.

19/02/24

DÍA DA PAZ


  REGUEIFANDO 
 
O alumnado  de 2º de ESO amenizou a sesión de recreo cunha regueifa en relación co Día da Paz
 
 

 
 
 
Por outra parte, o grupo de 4º D  xogou coa eufonía para escribir a PAZ:
 
Dixeron que a Paz pode ir:

  Con ...
  
 
P

de pel

ou de  polpa de pexego

ou de pedir plural

ou de papoula e pan

ou de pentagrama e poema




Con...


A

de amor

ou de antes menos ca agora

ou de ás veces atoladamente

ou de amenceres de alecrín amarelo


Con...


Z

de zume

ou de zugar na vida

ou de máis zoooooom para a paz

 
 
 
 
 
 
 
 
 
 
 

16/02/24

CÓNTAME UN MITO (2)

 Desta vez  a tarima da biblio serviu de escenario para iniciar unha saga de mitos. Desta vez veuse  representar o mito de Aracne, a cargo do alumnado de 1º de BAC


 Con esta dramatización comprendemos que   a soberbia é sempre mala compañeira. A deusa Atenea tivo compaixón de Aracne e salvoulle a vida, pese á súa rabia e envexa, pero castigouna converténdoa en araña e condenouna a tecer para o resto dos seus días






E velaí como quedou





12/01/24

FIN DE ANO CON MENSAXE POÉTICA


   E marchamos, esvarando na espiral dun verso do  puño e letra  de Yolanda Castaño, Premio Nacional de Poesía 2023, á calor da cheminea  fabricada polo  alumnado do ciclo de Madeira e  exposta  na entrada do centro. 

 Así, nesta tarxeta postal perfumada de lavanda e ideada pola coordinadora do Equipo de Normalización Lingüística, Marga Quintela.







EN NADAL...AGASALLA UN LIBRO

   

   E  antes de nos ir de vacacións, a nosa biblio foi o lugar de entrega e recolla de libros, atendendo ao lema" Agasalla un libro".

 Enriba da mesa envoltas e anoadas cun lazo encarnado, @s mag@s deixaron aquí as nosas lecturas favoritas.








13/12/23

DRAMATIZACIÓN EN PORTUGUÉS

Os alumnos de 1º de bacharelato deleitáronnos na biblio cunha dramatización dos diálogos do capítulo X de Os Maias de Eça de Queirós. Vaia actores!!! Deixáronnos abraiados!



05/12/23

SEMANA DA CIENCIA

No Día da Ciencia o alumnado deleitounos cos seus experimentos científicos. Nesta imaxe podemos ver o proceso de tensión superficial dos líquidos.


Nestoutra coñecemos os fractais e o cálculo de altura de obxectos mediante o emprego dun espello.

Tamén construíron e aprenderon a manexar un astrolabio que permitía a navegación na antigüidade empregando a posición das estrelas.


Ademais, na biblio fíxose unha exposición sobre a obra de  Domingo Fontán Rodríguez, xeógrafo coñecido por ser o autor do primeiro mapa topográfico e científico de Galicia.

   
 Por outra banda, o expositor da biblio exhibiu material bibliográfico relacionado co ámbito científico.


04/12/23

25N

 Esta semana elaborouse un mural de fotos relacionadas coa temática da violencia de xénero nas escaleiras do centro. 

Ademais, leváronse a cabo diferentes actividades na biblio: un concurso de relatos a cargo do alumnado de 4º da ESO. Os gañadores foron expostos no taboleiro da biblio.

  

Tamén se elixiu unha lista de cancións de artistas como Rozalén, Suso Vaamonde, Fillas de Cassandra... para escoitar durante os recreos e, desta maneira, conseguir que o alumnado tome conciencia desta problemática a través das letras.




01/12/23

CÓNTAME UN MITO (1)

 O alumnado de Afondamento de 1ª de Bacharelato relatou  varias historias mitolóxicas. Velaí a Lúa, que subiu á tarima e encheu de maxia a biblio coa historia de Ariadna.



XOGOS NOVOS NA BIBLIO

 

 Chegaron xogos novos á biblio.  O alumnado estes de chuvia desfrutaron na biblio de recreos lúdicos.



 Todos e todas a eles!!! Xa están á túa man.

03/11/23

CELEBRACIÓN DO SAMAÍN

O alumnado do IES de Melide participou activamente na decoración da nosa biblio para ambientala na celebración: pegadas de sangue, arañeiras, cabazas e  néboa  envolveron os expositores,  ateigados de  lecturas de misterio e terror, previamente seleccionadas polo profesorado colaborador da biblioteca

24/10/23

DÍA DAS ESCRITORAS


 


No IES de Melide conmemoramos o legado das mulleres escritoras para facer visible o seu traballo na literatura e combater discriminación que sufriron ao longo da historia.

 Un  mural  ilustrativo quedou exposto no corredor principal


             


 E realizouse unha actividade  na biblio  consistente nun reto,  á procura de títulos e autoras para gañar o concurso.

 


 

 


 


 

 


 

 

04/10/23

VISITA DE MARÍA SOLAR


 

 

                       VISITA DE MARIA SOLAR

 

   

    

Estreamos   curso  coa escritora  María Solar e a presentación de  "A  culpa", Premio Xerais Novela, 2022. 

 María entrou coma unha rebanda de sol na biblioteca e gobernou a mesa con tanta dozura que case esquecemos os biscoitos.

 

 


Veu para dicirnos  que, con frecuencia, son sutís as fórmulas que nos indican ás mulleres onde está a nosa mera de culpa . E tamén de atranco, claro.  Veu para confirmarnos  que a vida dunha escritora é así  a dunha muller calquera, coma a  dunha nai, coma a dunha filla,  que vive e  traballa por fóra da novela malia que ás veces de camiño deba  encargarse  dalgún personaxe.

 Hoxe abrimos  as  portas  da biblio. Todas. Deixamos entrar o outono descalzo. E  cando saímos a lúa estaba tan baixa coma unha mazá. 

A culpa foi de María Solar.

 

CURSO 2023-2024

   

PRESENTACIÓN DA BIBLIOTECA 

  Abrimos  as portas da biblio  e iniciamos o novo  curso  coa visita  do  alumnado de 1ºESO.  Despois do verán  hai  un  silencio prácido na sala  que dorme  aínda  a morneza do  outono  e  convida á lectura  nunha viaxe sen retorno. 

 Elixe o ángulo que máis che guste e desperta as historias. 



 
Escoitamos  os libros  e,  xa desde a porta,  e vemos  que  teñen  corazón de palabras.

 


     Se cadra, cando  o libro volva ao seu andel,  segue   aínda dentro de ti. 







19/06/23

RECOMENDACIÓNS PARA O VERÁN

 

E para o verán...

    

    

   un  libro


1º ciclo de ESO:

-A gruta da torre, Lois Pérez (narrativa)

-A lebre mecánica, Ledicia Costas (narrativa)

-Que me pare o corazón se te esquezo, Andrea Maceiras (narrativa)

-Chamábase Simbad, Francisco Castro (narrativa)

-A nena lectora, Manuel Rivas (álbum ilustrado)

-A lavandeira de San Simón, Eva Mejuto (álbum ilustrado)

-Velloucas e Minchas, Lorena Conde (narrativa)

-Oliver Twist, Juliette Saumande, Daniela Volpari (cómic)


2º ciclo de ESO e BAC:


-Amor é unha palabra coma outra calquera, Francisco Castro (narrativa)

-Un elefante na sala de estar, Berta Dávila (narrativa)

-Os corpos invisibles, Emma Pedreira (narrativa)

-As voces ágrafas, Emma Pedreira (poesía)

-Feliz Idade, Olga Novo (poesía)

-Lixeiro, Ismael Ramos (poesía)

-Non temerás os coches amarelos, Marta Villar (narrativa)

-El mundo de Sofía, Nicoby Vicent Zabus (album ilustrado)

-A historia de Sara, Francisco Castro (novela ilustrada)

-A parte fácil, Ismael Ramos (narrativa)










Profesorado:

- Días de intemperie, Antón Riveiro Coello (narrativa)

-Vémonos mañá, Xosé Monteagudo ( narrativa)

-A gran novela galega, César Cequeliños ( narrativa)

-Coa man esquerda, Xabier Quiroga ( narrativa)

-Azucre, Bibiana Candia ( narrativa)

-As fauces feroces, Emma Pedreira ( narrativa)

-Non penses nun elefante rosa, Antía Yáñez ( narrativa)

-Feliz Idade, Olga Novo ( poesía)

-Materia, Yolanda Castaño ( poesía)

-Ben sabe o mar que posúo o botín das piratas, Luz Campello ( poesía)

-Lixeiro, Ismael Ramos ( poesía)

-Hierba, Keum Suk Gendry-Kim ( cómic)

-O bosque dos raposos aforcados, Arto Paasilinna ( cómic)

-El mundo de Sofía, Nicoby Vicent Zabus (album ilustrado)

-Todo va a mejorar, Almudena Grandes ( narrativa)

- Hijos de la fábula, Fernando Aramburu ( narrativa)









“Non hai mellor fragata que un libro para levarnos ben lonxe”, Emily Dickinson
                    "El libro es fuerza, es valor, es alimento;
                    antorcha del pensamiento y manantial del amor",  Rubén Darío